Go gasta a bhain Clannad cáil amach i ndiaidh gur éirigh thar cionn leo sna 70í i Slógadh, féile a d’eagraíodh Gael Linn. Clann as Dobhar, i nGaeltacht Thír Chonaill, atá taobh den ainm.
Léiríonn na hamhráin agus na foinn ar na halbaim luatha uathu ar lipéad Gael Linn go láidir an cóiriú uathúil a bhíodh Clannad ag déanamh den tseanstíl thraidisiúnta. D’aon iarraidh tá cumha agus buaine ag baint leis na taifeadtaí seo.
Tá an-áthas ar Gael Linn an t-albam seo Dúlamán (1976) a atáirgeadh agus Clannad ar chamchuairt cheiliúrtha i ndiaidh 50 bl. rathúil i ngnó an cheoil.
Tá Dúlamán luaite ar na taifeadtaí is gá a bheith i seilbh ag lucht leanúna an cheoil thraidisiúnta.
Ba é Nicky Ryan, a bhain clú amach mar léiritheoir ceol Enya, a léirigh Dúlamán.
Tá an t-albam seo ar vinil ina earra álainn inbhailithe nach gcosnaíonn ach €20.00 + P&P.
Taobh 1:
Dúlamán,
Cumha Eoghain Rua Uí Néill,
Two Sisters,
Éirigh suas a Stóirín,
The Galtee Hunt.
Taobh 2:
Éirigh is Cuir Ort do Chuid Éadaí,
Siúil a Rún,
Mo Mháire,
dTigeas a Damhsa,
Cucanandy / The Jug of Brown Ale.
